Libros

Comentarios

Basicamente este libro pódese estruturar en dous bloques temáticos, o primeiro dos cales estaría integrado polas catro primeiras unidades didácticas nas que se estudan os contidos elementais de Física e química. O segundo bloque temático estaría integrado polas restantes unidades e os seus contidos corresponden especificamente a Bioloxía e xeoloxía.




Didacticamente esta obra está formula desde o punto de vista da observación e a descrición de forma sinxela de todos os fenómenos naturais. Neste apartado todas as ilustracións e exemplos foron seleccionados tendo en conta aqueles modelos que poden resultar máis actuais e cotiáns, de tal forma que sexa máis sinxelo inferir sobre eles as explicacións teóricas.




En canto á estrutura, cada unidade comeza cunha dobre páxina de presentación na que se introduce ao alumnado nos contidos correspondentes a partir dunha fotografía, un pequeno texto e unha serie de preguntas encamiñadas a detectar os conceptos básicos previos que, ademais, serven de fío conductor.




As actividades están intercaladas no texto para reforzar e consolidar os contidos ou para que se poida empregar a metodoloxía de ensinanza-aprendizaxe baseada no estudo dos contidos conceptuais a partir destas. Tamén se formulan actividades que tratan de conectar o que se estuda coa vida diaria, coa sociedade ou cos avances tecnolóxicos presentes ou futuros, como as dobres páxinas de final de unidade.