Libros

Comentarios

O libro Economía e organización de empresas estuda que é unha empresa, analizando os seus compoñentes internos e observando como pode influír nela o contorno. Deste xeito preténdese actuar en dous niveis: primeiro, proporcionar contidos académicos sobre que é unha empresa e, segundo, contribuír á formación persoal dos alumnos de Bacharelato que nun futuro próximo deban comezar a pensar na súa carreira profesional.




Os contidos desta materia responden fundamentalmente ao interese da sociedade actual pola formación no ámbito económico e administrativo. Ademais, tamén atenden a outros tipos de itinerarios formativos, para os cales son útiles as capacidades de relación e de comunicación, de utilización de técnicas de tratamento da información, de iniciativa e de autonomía, de coñecer e interpretar estados de contas e memorias anuais e, en xeral, todas as aptitudes traballadas no seo e no contorno da empresa, que cada vez son máis necesarias.




O libro presenta os contidos da materia distribuídos en catorce Unidades didácticas. Cada unha delas contén unha explicación da materia estruturada en apartados de conxunto ¿nos cales se desenvolven os conceptos principais¿, que se acompaña de exemplos ilustrativos e actividades de aprendizaxe que lles dan solidez aos contidos.




Nas Unidades inclúense textos de apoio e artigos de actualidade, explicativos e complementarios dos contidos básicos, así como información sobre páxinas web de interese, que permiten consultar através da Internet contidos complementarios ou exemplos ilustrativos. Ademais, ao final de cada Unidade hai unha serie de exercicios que axudan a practicar e comprobar o nivel de aprendizaxe dos diversos contidos e unha páxina cos conceptos básicos tratados.