Libros

Comentarios

Tomás Muro Ugalde Donostian jaio zen 1944ko urriaren 2an; arbasoak Nafarroako Mendigorriakoak ditu. Apaiz-ikasketak Donostiako apaizgaitegian egin zituen, eta gero Erroman Gregorioar Unibertsitate Pontifizioan Oinarrizko Teologian espezialdu zen. Donostiako apaizgaitegian dihardu teologi irakaskuntzan, baita «Pio XII.a Institutu Teologikoan» ere. Aldi berean, Donostiako San Martin parrokian lan pastoralean dihardu. Idazki hauek argitaratu ditu: La Verdad es libre. Sugerencias para las homilías del ciclo A, Donostia, Sendoa argitaldaria, 1998. La Verdad es libre. Sugerencias para las homilías del ciclo B, Donostia, Sendoa argitaldaria, 1999. La Verdad es libre. Sugerencias para las homilías del ciclo C, Donostia, Sendoa argitaldaria, 2000. Historia de la Salvación en tiempos de u.cronia y sin.sentido, in: Fé e razáo: caminhos de diálogo, Lisboa, Didaskalia, 2000, 105-110. Teología fundamental. La vida tiene sentido, Donostia, Sendoa, 2002. Helburu hau dute orri hauek: gizakia etengabe ibili dabilen izakia dela gogoraraztea. Basamortu (Irteera) gara oasialdian (post-moder-nismoan). Erromanikoaren astuntasun antropologikotik zerua ikusmiratzen duen gotikoaren zutuntasunera doan bide gara, hutsunetik (Oteiza) zerumugarantz (Chillida). Gizakia irekia da alde guztietatik. Ez dute pertsona gizatar egiten bidea ixteak eta arazoei ez-ikusia egiteak, arreta galaraztea baizik. Bizitzan transzenditzen ez denean, intranszendente bilakatzen da gizakia. «Haratagoko unea» da beti gizakia. «Haratagoko» horren bila gabil-tzanean egin gintezke «honatagokoan» benetako gizaki bezala. Arrain bizidunek bakarrik egin ohi dute errekan uretan gora; hilda-koak errekak eramaten ditu.