Libros

Comentarios

É unha antoloxía de recensións críticas dadas a coñecer en diversos xornais e revistas ao longo dos últimos anos. Nela inclúense textos que se ocupan de obras narrativas e poéticas -os máis-, pero tamén algúns outros que versan sobre teatro e ensaio.O volume reúne comentarios publicados entre 1991 e 2010. Ora ben, amais de textos de "crítica de novidades", integra tamén recensións de "libros de fondo" que, en non poucos casos, son anteriores a esas datas. Xa que logo, o abano cronoliterario que abrangue é máis amplo e iría, grosso modo, dende os comezos da década dos 70 do pasado século ata a actualidade.A maiores, incorpórase tamén un amplo apéndice final no que aparecen referenciados todos os traballos críticos escritos polo autor ao longo destes anos que non foron reproducidos na presente escolma. Para cada caso, sinalouse o nome do escritor e o título do libro sobre o que versou o comentario.Así pois, Criticalia permite non só pulsar a opinión dun crítico literario a propósito de moitas das obras concretas que nesas catro décadas foron agromando, senón que, se se realiza unha lectura máis global e transversalizada, o libro ofrece tamén unha radiografía bastante precisa do canon particular do autor a propósito do que foi a nosa Historia literaria ao longo de todo o período democrático.http://armandorequeixo.blogaliza.org/2011/12/03/criticalia-o-libro/http://novenoites.wordpress.com/2011/12/06/vinte-anos-de-critica-literaria/http://www.diariodeferrol.com/index.php/periodico-impreso/ferrol/32777-ferrol-noticiahttp://85.91.64.18/diariocultural/CRTICALIA.mp3http://bouvard.blogaliza.org/2011/12/10/madurez-critica/