Libros

Comentarios

Con este título publica a AS-PG un volume que recolle un traballo en que se exploran as posibilidades didácticas da linguaxe SMS para a aprendizaxe lingüística e literaria. O traballo, finalista do premio internacional Educared 2011.
O traballo ten como obxectivo fundamental repararmos na utilidade da linguaxe SMS nas aulas de ensino secundario, como ferramenta para a adquisición de destrezas lingüísticas e de competencia comunicativa en lingua galega e, por extensión, aqueloutros idiomas que dominar o alumnado.

“A proposta de Estefanía Mosquera Castro -di Goretti Sanmartín na presentación- parte da procura da expresividade e da identificación como garantes dun modelo de aprendizaxe máis eficaz e máis motivador. Se xa son de interese as aplicacións lingüísticas desta proposta didáctica (...) especialmente afortunadas son as que xogan coas innúmeras posibilidades literarias dun xeito lúdico e mesmo transgresor, na procura da ruptura de xéneros, da ambigüidade, da ironía, do xogo.”

Un traballo rigoroso, con fondo apoio teórico e, sobre todo, experimentado con éxito. Unha proposta especialmente acaída para a xente nova mais á que tamén se pode achegar a xente adulta.