Libros

Comentarios

Este libro persegue como obxectivo primordial o achegamento do alumnado á electricidade e á electrónica, cubrindo uns contidos ou coñecementos mínimos adaptados á materia de Iniciación Profesional á Electricidade e á Electrónica, actualmente contemplada no Segundo Ciclo do Ensino Secundario Obrigatorio. Con tal fin, este libro propón unha estratexia didáctica activa, consistente en que os alumnos e alumnas acaden o obxectivo de realizaren unha serie de proxectos concretos relacionados directamente coa vida ordinaria.O libro consta de tres bloques temáticos:Fundamentos, Electricidade e Electrónica.No primeiro bloque expóñense os principios básicos dos fenómenos electrostáticos, eléctricos e electromagnéticos, incidindo moi especialmente na permanente e constante presenza de tales fenómenos na vida cotiá.O segundo bloque temático aborda o coñecemento da electricidade desde unha perspectiva máis práctica e manipulativa, a través da identificación e uso de materiais e compoñentes utilizados na vida real. É nesta parte onde se levará a cabo o proxecto de instalación eléctrica de uso doméstico.O terceiro bloque refírese en exclusiva á electrónica. Trátase de que o alumnado adquira diversas habilidades a través da consecución de dous ou tres proxectos.