Libros

Comentarios

Biff, Bang, Pow! foi publicada por primeira vez en 1997. Agora esta novela coñece unha edición renovada en Galaxia, na que Londres, como o Ourense de A esmorga, é un protagonista máis; pero un Londres do que coñecemos
as iconas dos doces anos sesenta do século pasado con todo o seu poder floral, os grupos de rock que rachaban con todo e a moda que ía acurtando o tamaño das saias ao tempo que agrandaba os desexos da mocidade. Mais esta obra de Xabier López López que agora recuperamos é moito máis, porque é unha novela case negra que, abeirada aos galegos da capital do fish and chips, vainos levar de viaxe, na compaña dun mozo galego alí emigrado, por unha historia de detectives, mulleres fatais e moita, moita diversión. Xabier López López naceu en Betanzos en 1963 e é avogado. Escribiu libros para todos os públicos, dende literatura para adultos a relatos infantís. En Galaxia publicou A estraña estrela, A vida que nos mata, Trinta e dous den- tes, Os libros prestados, Cando Artur non era rei e Olympia Ring, 1934. Entre os moitos premios literarios que atesoura, destacan o Risco de Literatura Fantástica, o Lueiro Rey de novela curta, o García Barros, o da Crítica Española, o Xerais e, en varias ocasións, o Fervenzas Literarias.
ESTÁS PREPARADO PARA FACER
UNHA VIAXE CHEA DE AVENTURAS
AO LONDRES DOS ANOS SESENTA?