Libros

Comentarios

O Proxecto McGraw-Hill de Música para 4.º ESO corresponde ao último curso da área de Música da ESO. Neste curso non soamente se repasan e consolidan os coñecementos adquiridos até agora, senón que se analizan os elementos físicos e tecnolóxicos da música e a utilización dos ordenadores e das novas tecnoloxías aplicadas ao ámbito musical. Tamén se fixará a atención sobre a faceta do músico como profesional. O libro, ademais, revolve con máis detemento o século XX, facendo particular fincapé en España. Ao mesmo tempo, nun momento en que os diferentes continentes e culturas se relacionan cada vez máis intensamente, non pode faltar unha inmersión no ámbito das músicas do mundo.




Para lograr estes obxectivos, o libro non está estruturado como unha sinxela ferramenta de consulta, senón que proporciona os recursos necesarios para poder identificar unha obra musical e descubrir como e por que se fixo.




Os contidos que informan o libro, xunto cos outros complementos educativos que acompañan á Guía didáctica (CD de recursos e CD de audio para realizar audicións na clase relacionadas cos contidos e as actividades de cada unidade) constitúen un extraordinario e exhaustivo material para que o alumnado poida:



Entender a música como un fenómeno cultural e artístico profundamente interrelacionado cun determinado momento histórico da sociedade, e afondar nos fitos da expresión musical;



Valorar as distintas manifestacións musicais da sociedade ao longo da Historia e na actualidade e coñecer diferentes realidades musicais tanto do seu contorno social como de outros contornos e culturas, apreciando e respectando as diferenzas culturais;



Desenvolver as súas capacidades de percepción e a súa sensibilidade artística, ademais de enriquecer a súa capacidade de expresión através da expresión instrumental, vocal e corporal;





Adquirir un vocabulario que lle permitirá non soamente describir os fenómenos musicais senón, ao mesmo tempo, expresarse mellor e con máis exactitude nos diferentes ámbitos da vida cotiá.