Libros

Comentarios

Física e Química 4.º ESO é un libro que presenta os contidos dunha maneira clara e amena. É un instrumento de traballo útil para os alumnos, que lles permite obter os conceptos básicos necesarios para a súa formación científica e que, ademais, contribúe ao seu desenvolvemento persoal no que se refire á súa capacidade de pensamento, curiosidade, creatividade, actitude crítica e interese polas ciencias experimentais.




Os contidos expóñense de forma sinxela, de maneira que os alumnos pasen do fácil ao difícil, do concreto ao abstracto, mediante a observación de feitos cotiáns que teñen lugar no seu contorno. O libro consta de doce Unidades didácticas (oito de Física e catro de Química, máis un anexo sobre formulación e nomenclatura de compostos inorgánicos), sempre de acordo coa normativa vixente relativa á ESO. Na parte de Física englóbanse os conceptos e aplicacións de movementos, forzas, enerxías mecánica e ondulatoria e intercambios de enerxía. En Química abórdanse sobre todo os cambios químicos, así como unha introdución dos compostos do carbono.




Todas as Unidades presentan a mesma estrutura: introdución motivadora, test para avaliar os coñecementos previos, desenvolvemento dos contidos con exemplos resoltos e realización de actividades, experiencias de laboratorio, cuestións e exercicios ordenados segundo o seu nivel de dificultade, lecturas sobre temas relevantes de actualidade e, ao final da Unidade, un resumo dos conceptos básicos.